1. Ерөнхий зүйл

1. www.voipmgl.com нь “АСТВИШН” ХХК (www.astvision.mn) -ийн эцсийн хэрэглэгчдэд зориулсан ярианы үйлчилгээний албан ёсны вэб сайт бөгөөд энэхүү үйлчилгээний журам, хэрэглэх нөхцлөөр уг вэб сайтаар үйлчлүүлэх хэрэглэгч, “АСТВИШН” ХХК хоёрын хооронд үүсэх харилцаа, нөхцөлийг зохицуулна.
2. Энэхүү журам, үйлчилгээний нөхцөл нь хэрэглэгч вэб сайтаар үйлчлүүлэхээсээ өмнө уншиж танилцан, хүлээн зөвшөөрч, бүртгүүлсний үндсэн дээр хүчин төгөлдөрт тооцно.
3. Уг үйлчилгээний нөхцлийг нэг талаас “АСТВИШН” ХХК /цаашид байгууллага гэх/, нөгөө талаас Үйлчлүүлэгч /цаашид хэрэглэгч гэх/ нар хамтран хэрэгжүүлнэ.

1. www.voipmgl.com нь вэб сайтаараа дамжуулан дэлхийн бүх орны суурин болон гар утас руу ярих ба гар утасруу мессеж илгээх үйлчилгээг төлбөртэйгээр үзүүлнэ.
2. Үйлчилгээний вэб сайт нь аюулгүй байдлаа хамгаалж олон удаагийн бүтэлгүй оролдлогыг түр хугацаагаар хаах хязгаарлалтийг хийнэ.
3. Нийтэд мэдээлэгдсэн 1 минутын ярианы болон мессеж илгээх тариф нь улс орон бүрт харилцан адилгүй байх бөгөөд тухайн бүрт өөрчлөгдөж болно. Энэ үед үнийн өөрчлөлтүүдийг хэрэглэгчдэд цаг тухайд нь мэдээллэнэ.
4. Вэб сайт өдрийн 24 цагийн ажиллагаатай байх бөгөөд бүх төрлийн үйлчилгээ уг хугацаанд автомат ажиллагаатай байх болно.
5. Энэхүү вэб сайтыг эрхлэн гаргагч компани нь вэб сайтад байрлах мэдээллийг шинэчлэх, тарифын өөрчлөлтийн мэдээлэл, шинээр нэмэгдэх үйлчилгээний тухай мэдээллүүдийг цаг тухайд нь өөрчилж, шинэчилнэ.
6. Хэрэглэгч үйлчилгээ болон вэб сайттай холбоотой аливаа санал, гомдол, хүсэлт, шүүмж зэргийг вэб сайтад байрлах цахим шуудангийн хаягаар илгээж, эргэж сайтын зүгээс холбогдох арга хэмжээ, хариуг 12 цагийн дотор өгнө.

1. Вэб сайтыг ашиглахын тулд шаардлагатай мэдээллийг бүртгүүлж хэрэглэгч болно.
2. Хэрэглэгчээр бүртгүүлэхдээ оруулсан мэдээлэл үнэн зөв байхыг шаардах ба төлбөр тооцоотой холбоотой аливаа асуудлыг шийдвэрлэхэд ашиглагдана. хэрэв өөрийн мэдээллээ худал оруулсан тохиолдолд сайтын зүгээс тухайн хэрэглэгчийг хасах (устгах) эрхтэй. Энэхүү мэдээллийн нууцлалыг байгууллага бүрэн хариуцна.
3. Хэрэглэгчийн мэдээллийн үнэн зөв, бодит байдалд хэрэглэгч бүрэн хариуцлага хүлээнэ.
4. Шинээр бүртгүүлж вэбийн гишүүн болмогц тухайн хэрэглэгчид данс үүснэ. Дансанд төлбөрийн түүх, өөрийн мэдээлэл, хаяг зэрэг багтах бөгөөд төлбөрийн карттай холбоотой мэдээлэл хадгалагдахгүй.

1. Вэб сайтын яриа болон мессеж илгээх үйлчилгээ нь дэлхийн бүх улсын суурин болон гар утасны сүлжээ рүү ярих болон SMS илгээх бөгөөд улс болгонд 1 мессежний үнэ нь харилцан адилгүй тул тухайн улсын үнийг харна уу.
2. Хэрэглэгч өөрийн вэб сайтад байрлах дансаа цэнэглэхдээ төлбөрөө гадаад/дотоодын мастер, виза картаар хийж болно. Мөн олон улсын мөнгөн гуйвуулгын үйлчилгээг ашиглан цэнэглэх боломжтой.

1. Хэрэглэгчийн мэдээлэл, төлбөр тооцоотой холбоотой асуудлаар ямар нэг асуулт, лавлагаа гарвал voipmgl@astvision.mn э-шуудан рүү холбогдох асуудалаа илгээж лавлагаа авна.
2. Хэрэглэгчээс гарсан гомдол, маргаантай асуудлыг вэб сайтын үйлчилгээний нөхцөл, нууцлалын бодлого болон Монгол улсын хууль дүрмийн дагуу шийдвэрлэнэ.
3. Хэрэглэгч санал хүсэлт, асуулт, лавлагааг э-шуудангаар холбогдон авч болно.